I unrhyw un sydd â diddordeb mewn cerdded, hanes cymdeithasol Cymru (gan gynnwys traddodiadau pererindod, llafur diwydiannol, protest, iaith, twristiaeth a hamdden), a hanes llenyddiaeth yn y Gymraeg a’r Saesneg, bydd llyfr diweddaraf Andrew Green, Voices on the Path: A History of Walking in Wales, yn ddeunydd darllen gaeafol perffaith.

Nid yw wedi’i gynllunio fel llyfr academaidd, ond mae’r nodiadau diwedd yn galluogi darllenwyr i ddilyn y ffynonellau printiedig a llawysgrifol a ddefnyddiwyd, gyda ffotograffau lliw yn cyd-fynd â’r testun drwyddo draw.

Gwas Carreg Gwalch - £14.99

Digwyddiad gyda’r awdur,
Andrew Green

Yn sgwrsio efo
Mike Parker

Yn y sgwrs ddarluniadol hon gyda’r awdur, cerddwr a pherson sy’n dwli ar fapiau, Mike Parker, bydd Andrew Green yn mynd â ni ar daith droellog drwy hanes cerdded yng Nghymru. Mae’r stori’n dechrau yn olion traed pobl Fesolithig ym mwd rhynglanwol aber Hafren.

Ar hyd y daith, cawn ein gwahodd i orffwys a threulio amser gyda rhai o’r cerddwyr mwyaf diddorol, gan gynnwys Gerallt Gymro, Samuel Taylor Coleridge, Francis Kilvert, George Borrow, Anne Lister, Ursula Martin, Hanna Engelkamp a Delyth Jenkins.

Bydd Andrew hefyd yn ein cyflwyno i gerddwyr hynod eraill, y mae llawer ohonynt yn brin gyfarwydd. Trwy lygaid y cerddwyr hyn, gallwn ddysgu llawer am sut roedd y Cymry’n byw, a sut roedd Cymru’n cael ei gweld gan bobl o’r tu allan.

Y cyfan o'ch sedd yn awditoriwm hardd Y Tabernacl.